Gastroenterologu ynë i specializuar ju ofron trajtimet më të fundit për sëmundjet e mëlçisë, zorrëve, pankreasit dhe sëmundjeve të tjera gastrointestinale si dhe kryen një diagnozë të saktë për çdo shqetësim që mund të keni me simptoma të tilla si dhimbje barku, fryrje, djegie stomaku, gjakderdhje rektale, etj. Pasi të informohet mbi historinë tuaj mjekësore, gastroenterologu do të kryejë një ekzaminim fizik, që përfshin:
- Inspektimi i zonës suaj të barkut. Mjeku do kontrollojë zonën tuaj të barkut për shenja që mund të shprehin çrregullime, si masa të dukshme ose plagë të fryra kirurgjikale.
- Auskultacioni i tingujve të zorrëve. Gastroenterologu do të dëgjojë çdo kuadrant abdominal për tingujt e zorrëve ose bruitet (tingujt e enëve të gjakut kur rrjedhja e gjakut është e turbullt). Mjeku do të shënojë kohëzgjatjen, tonin dhe intensitetin e tingujve.
- Palpacioni i katër kuadranteve të zones suaj të barkut. Kjo bëhet për të parë ndjeshmërinë dhe për të kërkuar masa. Mund t'ju kërkohet të merrni frymë thellë, të kolliteni ose të shpjegoni nëse ndjeni dhimbje gjatë prekjes.
- Ekzaminimi rektal. Gastroenterologu do kërkojë për fryrje, masa, shenja të inflamacionit dhe tonin muskulor.
Mjeku mund të kërkojë t'i nënshtroheni testeve të tjera pas ekzaminimit fizik për të përjashtuar sëmundjet e tjera të mundshme. Këto teste përfshijnë:
- Radiografi
- Skaner
- Analizat e gjakut ose feçeve
- Endoskopia e pjesës së sipërme të aparatit tretës Një sondë me dritë dhe kamera në pjesën e fundit (endoskop) do të kalojë përmes gojës për një pamje më të mirë të pjesës së sipërme të aparatit tretës. Zakonisht kryhet tek pacientët me ankesa gastrointestinale si të vjellat dhe djegia e stomakut, si dhe për të kryer biopsi.
- Kolonoskopia. Një sondë me një kamerë kalon nga rektumi për të parë më mirë traktin e poshtëm të tretjes. Kolonoskopi, zakonisht kryejnë pacientët që kanë gjak në feçe, si dhe ata që duhet të kontrollohen për kancerin e zorrës së trashë.
Nëse do keni nevojë për teste të tjera, mjeku do të caktojë një vizitë pasardhëse për të diskutuar me ju përgjigjet dhe planin e mundshëm të trajtimit.