Glicemia Esëll : Testet e Glukozës në Gjak

Në Spitalin StarMed, shëndeti juaj është prioriteti ynë kryesor. Një nga analizat më të rëndësishme për diagnostikimin dhe monitorimin e diabetit dhe gjendjeve të tjera metabolike është testi i glukozës në gjak, ose siç njihet ndryshe, glicemia esëll. Për ta bërë më të thjeshtë për pacientët tanë, kemi vendosur të përmbledhim hapat kryesorë dhe pikat kyce që duhen ditur për gliceminë në gjak si dhe rezultatet pas glicemisë esëll dhe rolin e saj për të menaxhuar problemet shëndetësore.

Çfarë është testi i glukozës në gjak? Glicemia Esëll

Testi i glukozës në gjak mat nivelin e glukozës (një lloj sheqeri që vepron si burimi kryesor i energjisë) në gjakun tuaj. Glukoza vjen nga ushqimi dhe përthithet nga qelizat me ndihmën e hormonit të insulinës. Një nivel i ekuilibruar i glukozës është thelbësor për të ruajtur funksionimin normal të trupit.

Glicemia esëll i referohet nivelit të glukozës në gjak pas një periudhe agjërimi (pra mos ngrënieje) prej të paktën 8 orësh. Ky test është zakonisht hapi i parë për diagnostikimin e diabetit ose paradiabetit.

Llojet kryesore të testeve të glukozës në gjak

Ekzistojnë dy lloje kryesore të testeve të glukozës në gjak:

1. Testi i glukozës në gjak kapilar: Një nga mjekët tanë profesionistë mbledh një pikë gjaku zakonisht nga një shpim në majë të gishtit. Këto teste përfshijnë një shirit testimi dhe një matës të glukozës (glukometër), i cili jep rezultatet brenda sekondave.
2. Testi i glukozës në gjak venoz (plazmatik): Një mjek merr një mostër gjaku nga një venë (venipunkturë). Mostrat analizohen në laborator për rezultate të sakta. Testet venoze të glukozës në gjak janë zakonisht pjesë e një paneli metabolik bazë ose të plotë.

Testet venoze të glukozës janë më të sakta krahasuar me ato kapilare dhe shpesh përdoren për diagnostikim preciz.

Kur rekomandohet testi i glicemisë esëll?

Mjekët tanë profesionistë në spitalin StarMed, ndër to dhe Dr. Stela Taçi mund t’ju kërkojnë të kryeni testin e glicemisë esëll në rastet e mëposhtme:

• Si pjesë e kontrolleve rutinë për diabetin ose paradiabetin.
• Kur pacienti ka simptoma të niveleve të larta ose të ulëta të glukozës, si etje e shtuar, urinim i shpeshtë, lodhje e pashpjegueshme, ose ndjesi mpirjeje në gjymtyrë.
• Gjatë shtatzënisë, për të kontrolluar diabetin gestacional.
• Si pjesë e monitorimit të pacientëve që marrin medikamente që ndikojnë në nivelet e glukozës.

Rezultatet e glicemisë esëll

Llojet e testeve të glukozës në gjak

Në Spitalin StarMed, ofrohen disa lloje të testeve për matjen e glukozës:

• Testi i glicemisë esëll: Për matjen e niveleve të glukozës pas agjërimit.
• Testi i rastësishëm i glukozës: Mund të kryhet në çdo kohë të ditës, pa nevojën për agjërim.
• Testi oral i tolerancës së glukozës (OGTT): Përdoret kryesisht për të diagnostikuar diabetin gestacional ose diabetin e tipit 2.
• Testi i hemoglobinës A1C: Mat nivelet mesatare të glukozës në gjak për tre muajt e fundit dhe ndihmon në monitorimin afatgjatë të diabetit.

Si të përgatiteni për testin e glicemisë esëll?

Si fillim duhet të parapërgatiteni që të mos konsumoni ushqim ose pije (përveç ujit) për të paktën 8 orë para testit. Gjithashtu, duhet patjetër të informoni mjekun nëse jeni duke marrë ndonjë ilaç që mund të ndikojë në nivelet e glukozës.

Glicemia Esëll: Rreziku dhe pasojat e glukozës së paekuilibruar

Rreziqet e glukozës së lartë (hiperglicemia)

Nëse niveli i glukozës në gjak mbetet i lartë për një kohë të gjatë, mund të shkaktojë:

• Sëmundje të zemrës dhe enëve të gjakut
• Dëmtim nervor (neuropati)
• Probleme me veshkat
• Probleme me shikimin, deri në verbim

Rreziqet e glukozës së ulët (hipoglicemia)

Nëse nuk trajtohet, hipoglicemia mund të çojë në:

• Humbje të vetëdijes
• Konvulsione
• Dëmtime të trurit

Si mund ta monitoroni glukozën në gjak?

Për pacientët me diabet ose rrezik të lartë, monitorimi i vazhdueshëm i glukozës është thelbësor. Në Spitalin Starmed ofrojmë:

Matësit e glukozës: Një pajisje e vogël që mat glukozën nga një pikë gjaku.

Monitorët e vazhdueshëm të glukozës (CGM): Një sensor i vendosur në lëkurë, që mat automatikisht glukozën në intervale të rregullta.

Pra, sic e theksuam dhe mësipër, testi i glicemisë esëll është një hap i rëndësishëm në diagnostikimin e diabetit dhe menaxhimin e problemeve metabolike. Spitali Starmed ju ofron ekspertizën e nevojshme për të siguruar që nivelet tuaja të glukozës të jenë në kontroll. Për të marrë ndihmë profesionale ose për të planifikuar një test, na kontaktoni sot përmes platformës sonë online ose vizitoni një nga klinikat tona.