Sëmundjet e zemrës si infarkti, dështimi kongjestiv i zemrës, sëmundjet e lindura të zemrës dhe sëmundjet koronare janë shkaku kryesor i vdekjes për burrat dhe gratë në çdo vend të botës. Ne jemi të specializuar në trajtimin e çrregullimeve dhe sëmundjeve të zemrës, duke u siguruar që të gjitha problemet tuaja të zgjidhen me trajtimet më të mira dhe shërbimet më të fundit.
Kardiologu fillimisht do të informohet mbi historinë tuaj mjekësore dhe do kryejë një ekzaminim të plotë fizik që përfshin kontrollin e presionit të gjakut, peshës, frymëmarrjes dhe rrahjeve të zemrës. Në varësi të simptomave, mund të kryhen dhe teste të tjera që përfshijnë:
- Analizat e gjakut - për të përjashtuar sëmundje të tjera shëndetësore
- Ekokardiograma - një test për të parë strukturën dhe funksionimin e zemrës
- Stres testi - për të matur performancën e zemrës dhe kufizimet në funksionin e saj
- EKG ambulatore – për të kontrolluar ritmet anormale të zemrës
- Kateterizimi i zemrës - Test ku një tub i vogël vendoset pranë zemrës për të regjistruar impulset elektrike
- Rezonanca magnetike kardiovaskulare (MRI) – përcakton çrregullimet në funksionet mekanike të zemrës
- Monitorimi Holter – një pajisje EKG portative për të vëzhguar vazhdimisht funksionimin e zemrës për një periudhë kohe të caktuar
- Elektrokardiografia - për të matur aktivitetin elektrik të zemrës
Përgjigjet e testeve më pas interpretohen për të bërë diagnozën e saktë dhe për të këshilluar planin më të përshtatshëm të trajtimit për të lehtësuar simptomat. Kardiologët mund të këshillojnë dietën e përshtatshme, rehabilitimin kardiak, ndërhyrjet dhe ndryshimet e stilit të jetesës për të parandaluar shfaqjen ose përkeqësimin e mëtejshëm të sëmundjes vaskulare. Për simptomat më shqetësuese, kardiologët mund t'ju rekomandojnë të vizitoheni nga një kirurg kardiovaskular nëse nevojitet një trajtim invaziv.