Pa dyshim, gjoksi është tipari më i lidhur me imazhin e feminitetit. Me rritjen dhe zhvillimin fizik, sidomos gjatë pubertetit, gjoksi pëson një zmadhim të shpejtë brenda një kohe të shkurtër. Gjendja e hipertrofisë së gjirit, veçanërisht nëse është shumë e theksuar, mund të ndikojë jo vetëm në çrregullime estetike, por edhe funksionale, tension të dhimbshëm të lëkurës, lakim dhe deformime të shtyllës kurrizore, inflamacion dhe dhimbje të muskujve dorsal, infeksione të lëkurës dhe ekzemë. Përveç kësaj, ushqyerja me gji shpesh bëhet e vështirë ose e pamundur, duke qenë se gjatë shtatzënisë, gjinjtë voluminoz pësojnë një rritje edhe më të ekzagjeruar si pasojë e stimulimit hormonal. Për rikuperim të shpejtë estetik, psikologjik dhe funksional, përdoret mamoplastika reduktuese, një procedurë kirurgjikale e rekomanduar edhe para moshës 18 vjeç. Normalisht ky operacion nuk ndikon negativisht në aftësinë për të ushqyer me gji, por në varësi të gjendjes fillestare të gjirit dhe teknikës së aplikuar, në disa raste ushqyerja me gji mund të mos jetë më e mundur. Ky operacion përfshin reduktimin e arsyeshëm të volumit të tepërt dhe riformimin e pjesës së mbetur të gjirit, që konsiston në ripozicionimin e gjëndrave, areolës dhe thithkës. Rezultati i operacionit është normalisht i përhershëm.
Çfarë duhet të dimë për operacionin?
- Përpara procedurës kryhen analizat para operacionit (anumëzimi i plotë i gjakut dhe grupi i gjakut, analizat e koagulimit, testet biokimike, virale, shtatzënia dhe urina, vizita me kardiologun dhe EKG, vizita me anestezistin, etj.).
- Starmed aplikon anestezi të përgjithshme totalisht intravenoze, e cila mban presionin e gjakut të ulët, zvogëlon rrezikun e hemorragjive dhe hematomave, minimizon rrezikun e të përzierave dhe të vjellave dhe, për këtë lloj operacioni, është më i sigurt dhe më komod për pacientin, si dhe lejon kirurgu të punojë në kushte optimale.
- Kohëzgjatja mesatare është 3-4 orë.
- Kullimet aplikohen sipas nevojës dhe duhen mbajtur 1 – 2 ditë.
- Qëndrimi për një natë në klinikë.
- Dhimbje e lehtë – e moderuar dhe normalisht e tolerueshme.
- Hematoma dhe edemë në gjoks që zhduken gradualisht brenda 10-14 ditëve.
- Periudha e shpejtë e rikuperimit, me përmirësim gradual të pamjes së gjirit, rezultati konsiderohet përfundimtar 4 – 6 muaj pas operacionit.
- Një mbresë e vogël rreth areolës, një mbresë tjetër vertikale dhe një tjetër horizontale në fund të gjirit, të cilat zakonisht janë të holla dhe mezi të dukshme.
Këshilla pas operacionit:
- Përdorimi i antibiotikëve oral, zakonisht deri në 5 ditë pas operacionit.
- Heqja e drenazheve 24 – 48 orë pas operacionit (në ato raste kur ato janë të pozicionuara).
- Veshjet e plagëve çdo 3 – 4 ditë nga stafi i klinikës.
- Heqja e qepjeve 10 – 15 ditë pas operacionit (në ato raste kur ato nuk janë të absorbueshme).
- Shmangni lëvizjet e detyruara dhe ngritjen e peshave për dy javë deri në një muaj pas operacionit.
- Mos vozitni për 1-2 javët e para pas operacionit.
- Vishni sytjenat e duhura sportive për 1 muaj.
- Shmangni ekspozimin e drejtpërdrejtë në diell.
- Rifillimi gradual i aktivitetit fizik të paktën 2 muaj pas operacionit, sipas këshillave të stafit të Starmed.
- Kontrollet postoperative me stafin e Starmed sipas protokolleve tona klinike.