Veshkat janë përgjegjëse për të larguar nga trupi mbetjet dhe lëngjet e tepërta. Janë gjithashtu të domosdoshme për ruajtjen e lëngjeve që marrim dhe të përqendrimit të elektroliteve që mund të pësojnë ndryshime prej problemeve ose ilaçeve të ndryshme. Shumë prej problemeve të veshkave kthehen në probleme të përgjithshme të trupit dhe nuk janë të kufizuara vetëm në vetë organin. Këtyre problemeve u nevojitet trajtim i specializuar dhe kujdes mjekësor. Klinika jonë ofron kujdes të plotë për pacientët që vuajnë nga gama e sëmundjeve kronike dhe akute të veshkave.
Nefrologu ynë kryen disa teste dhe analiza për të gjetur problemet dhe çrregullimet e ndryshme të veshkave.
Testet laboratorike
Testet laboratorike zakonisht kryhen në mostrën e gjakut ose të urinës së pacientit. Ka shumë teste që një nefrolog kryen për të kontrolluar funksionimin e veshkave.
Analizat e gjakut
- GFR ose shkalla e filtrimit glomerular: tregon nëse veshkat tuaja po funksionojnë mirë në filtrimin e gjakut. Nëse keni një sëmundje, GFR juaj do ulet nën nivelet normale.
- Kreatinina në serum: Mat nivelin e kreatininës në gjak. Ata që kanë një problem në funksionimin e veshkave, kanë nivel më të lartë të kreatininës në gjak.
- BUN ose azoti i uresë në gjak: Ashtu si kreatinina, azoti i uresë është një mbetje. Nivelet e larta të BUN tregojnë një problem në funksionimin e veshkave.
Analizat e urinës
- Analiza e urinës: Analizohet një mostër e urinës për nivelet jonormale të gjakut, glukozës, baktereve ose proteinave.
- ACR ose raporti Albumina/kreatinina: Përcakton nivelin e proteinës së albuminës në urinë.
- Mbledhja e urinës në 24 orë: Gjithë urina që pacienti prodhon mblidhet për 24 orë. Mostrat që mblidhen dërgohen për analiza të tjera.
- Pastrimi i kreatininës: Një mostër gjaku dhe një mostër e urinës në 24 orë analizohen për të llogaritur sasinë e kreatininës që nga gjaku u zhvendos në urinë.